Ақтөбе облысында никель зауыты, байыту фабрикасы мен минералды тыңайтқыш зауыты салынады

«Өңірдің энергетикалық әлеуеті өзін өзі қамтамасыз етуге жетіп артылады. «Ақтөбе темір» ЖШС Велиховский кен орнынан темір рудасын игеру жұмыстарын бастады. Енді жылына 5 млн тонна темір рудасы концентратын шығаратын байыту фабрикасын салу жоспарланып отыр. Инвестиция көлемі 24,2 млрд теңгені құрайды», - делінген хабарламада.

Сонымен қатар, «Батыс Калий» кәсіпкерлігі калийлік минералды тыңайтқыш өндіретін зауыт құрылысымен Жилянск калий тұзы ірі кен орнын игеру жобаларын іске асыруда. Жоспарланған қуаттылық жылына 1,5 млн тонна, кейін бұл көрсеткішті 4,6 тоннаға дейін өсіру көзделген. Ал инвестиция көлемі 200 млрд теңгені құрайды.

Бұдан бөлек «Қазцинк» компаниясы никель-кобальттың рудасы кен орны базасында никель зауыты құрылысы жобасын қолға алуда. Бұған салынған қаржы көлемі 15 млрд теңге.