ШҚО-да инвестициялық жобаларды іске асыру мәселелері талқыланды
Бүгін аймақ басшысы Даниал Ахметов инвестициялық жобаларды Еуропалық қайта құру және даму банкі арқылы іске асыру мәселелері бойынша кеңес өткізді. Өскемен және Семей қалаларының жылумен қамту жүйесін, Зырян ауданының инженерлік инфрақұрылымын жаңғырту жобалары бойынша құжаттарды дайындауға ерекше назар аударылды.
Қаржылық даму институтынан қаражат тарту арқылы, ЖЭО-1 және РК-1 нысандарына қатысты, Семей қаласындағы жылумен қамту жүйесінің жөндеу жұмыстарының екінші кезеңін іске асыру жоспарлануда.
Сондай-ақ, Өскемен қаласының жылумен қамту жүйесін жаңғырту бойынша, құрамына 8 жоба кіретін біркелкі кешендік жоба қаралды.
Зырян ауданының әкімдігі инженерлік инфрақұрылымды жаңғырту шеңберінде бес жобаны әзірлеуде. Оның үшеуі Зырян қаласының су өткізу жүйелерін жөндеу және бір жоба Жаңа-Бұхтырма кенті, Березовское ауылы бойынша.
Кеңес қорытындысы бойынша облыс әкімі жауапты мемлекеттік органдардың басшыларына нақты тапсырмалар берді.
