• Басты
  • ҚТЖ оқыту орталығында 15 мың теміржолшы біліктілігін жетілдірді

ҚТЖ оқыту орталығында 15 мың теміржолшы біліктілігін жетілдірді

31 Наурыз, 2016 11:46
«ҚТЖ» ҰК» АҚ филиалы – «Темір жол көлігі персоналын бағалау және дамыту орталығы» жаңа темір жол техникаларына тәжірибелік практикалық білім беретін бағдарлама әзірледі, деп хабарлады Ұлттық компанияның баспасөз қызметі.

Қазіргі таңда, ТЭЗА тепловозы мен КZA,КZ8А электровоздарының, «Тұлпар-Тальго» жолаушылар вагондарының  қозғалыс бөліктері туралы интерактивтік бағдарлама өндіріске енгізілді.

«Оның ішінде, ZK1жүк вагондарының 3D моделі жасалып, инновациялық оқу құралы ретінде ұсынылды. Модель жаңа үлгідегі вагон қорабының құрылымын толық білуге үйретеді», - делінген хабарламада.

Оқу орнының бөлмелері интерактивті тақталармен, экрандармен, мультимедиалық проекторлармен, компьютерлік техникалармен жарақтандырылған. Ол арқылы оқушылардың жаңа дәрістерді меңгеруі мен оқытушылардың сабақ беруіне ыңғайлы болды.

Оқу орталығы мен полигонда «ҚТЖ» ҰК» АҚ компаниялары тобындағы өндіріске енгізілген темір жол техникаларының соңғы үлгідегі құрал-жабдықтары, нобайлары мен тренажерлік жабдықтары қойылған.

3D- зертханалық негізіндегі бағдарламалық қамту темір жол көлігі өндірістік үдерістерінің толық картинасын бере алады.

«ҚТЖ» ҰК» АҚ филиалы – «Темір жол көлігі персоналын бағалау және дамыту орталығы» директорының орынбасары Мәдина Әбдірованың айтуынша, модульдық және ықпалдасқан әдістерді қолдану мен өндіріске енгізу «ҚТЖ» ҰК» АҚ еңбеккерлерінің кәсіби машығын одан сайын жетілдіруіне мүмкіндік әпереді.

Орталықтың материалдық техникалық базасын көтеру мен инновациялық жасақтау «ҚТЖ» ҰК» АҚ компаниялар тобындағы кәсіпорындардың еңбеккерлерінің біліктілігін жетілдіру әдістемесін нығайтады. Сонымен қатар кәсіби оқу мерзімін жылдамдатады.

Айта кету керек, соңғы жылдары 15 мың теміржолшы осы оқу орнында біліктілігін жетілдірді.

Барлық жаңалықтар