Шығыс Қазақстанда 2016 жылы 18 сүт-тауарлы фермасы салынады
31 Наурыз, 2016 10:24
Ағымдағы жылдың соңына дейін 18 сүт-тауарлы ферманың құрылысы мен оларға жөндеу жұмыстарын жүргізу жоспарланып отыр. Сондай-ақ, 28 сүт қабылдау пункттерін ашу жұмыстары да жалғасатын болады, деп хабарлады ШҚО әкімдігі.
Сүт-тауарлы фермаларды салу, жөндеуден өткізу және сүт қабылдау пунктерін ашу аймақтық бағдарламаның барысы облыс әкімі Даниал Ахметовтың төрағалығымен өткен кеңесте қаралды.
Жасалған жобаға және облыстың ауылшаруашылық өнімін өндіру мүмкіндіктеріне сәйкес 12,2 мың бас сиырға арналған 37 сүт-тауарлы ферма салу және 36 сүт қабылдау пунктері ашылмақ.
Өткен жылы 2 ферма салынып, 11-і жөндеуден өтті. 2017 жылы аталмыш фермалардың санын 37-ге жеткізу жоспарланып отыр.
Аймақ басшысы ауылшаруашылығы басқармасының басшысы Қонысбай Төлеубековке қала және аудан әкімдерімен бірлесіп, сүт-тауарлы фермалардың құрылысын қатаң бақылауда ұстауды тапсырды.
