2014 жылдың 1 қыркүйегіне көпқабатты тұрғын үйлердің 100%-на жылу есептеу аспаптары орнатылады -ТМРА

19 Қараша, 2013 10:02

Астана қаласы 2014 жылдың 1 қыркүйегінде астананың көп пәтерлі тұрғын үйлері жалпы үйлік жылу есептегіш аспаптарымен 100% жабдықтаулы болады, деп Табиғи монополияларды реттеу агенттігінің баспасөз қызметі хабарлады.

«Энерго тиімділігінің маңызды факторы энергия ресурстарын тұтынуды есепке алу мен бақылауын ұйымдастыру. Бірінші кезенде барлық реттеу коммуналдық қызметтеріне есептеу аспаптарын 100% орнатылуына қол жеткізу. Мұндай тапсырманы 2013 жылғы 11 қазанда Қазақстан Республикасы Үкіметінің кеңейтілген отырысында Мемлекет басшысы жариялады», - делінген хабарламада.

Сондай-ақ, ағымдағы жылдың 1 қарашасының жағдайы бойынша «Астана – Теплотранзит» АҚ, инвестициялық міндеттемелерін орындау барысында 410 көп пәтерлі тұрғын үйлерде жылу энергиясын есептеу аспаптарын орнатты. Сонымен қатар, жылу энергиясының есептеу аспаптарының 1587 қажет данасынан 1152 данасы орнатылды, бұл 72,6% құрайды.

Алайда, инвестициялық бағдарламаны іске асыру шеңберінде, монополист келесі жылдың жылу беру кезеңіне дейін 519 есептеу аспаптарын орнатуға уәде береді, бұл Астана қаласындағы көп пәтерлі тұрғын үйлердің жылу энергиясының есептеу аспаптарының 100% жабдықталуын құрайды.

Сонымен, мемлекетіміздің Президенті қойған, Астана қаласының көп пәтерлі үйлері жалпы үйлік жылу есептеу аспаптарымен қамтамасыз ету бойынша, міндеті орындалатын болады.

Барлық жаңалықтар