31 Наурыз, 2016 09:17

“Нұрлы жол”: Ақтөбе облысының Байғанин ауданында 1,2 млрд теңгеге 5 шақырым жол жөнделеді

Ақтөбе облысында халықаралық көлік жүйесіне бірігуді жеделдету және көлік потенциалын дамыту үшін аймақтағы көлік кешенін қайта құру жөнінде жұмыстар күшейтіліп жатыр. Бұл туралы «Ақтөбе ақпарат» орталығында өткен баспасөз конференциясында Ақтөбе облысының жолаушылар көлігі және автомобиль жолдары басқармасының басшысы Асқар Есжанов хабарлады.

Оның айтуынша, 2003-2015 жылдар аралығында Ақтөбе облысында халықаралық және республикалық маңызы бар 1894 шақырым жолдың 1053 шақырымы жөндеуден өтті. Аймақ арқылы бір шеті республиканың оңтүстігіне, бір шеті Солтүстік Қазақстан, Ресей облыстары, халықаралық жолдарға шығатын «Батыс Еуропа – Батыс Қытай» трансконтинетальді автомагистраль өтеді.

“Мемлекет басшысы «Нұрлы жол – Болашаққа жол» жолдауында айқындаған мәселелерді жүзеге асыру үшін таяу жылдары республикалық және халықаралық маңызы бар көлік инфрақұрылымын дамыту көзделіп отыр”, - деп атап өтті Асқар Есжанов.

Мәселен, аталған мемлекеттік бағдарлама аясында республикалық маңызы бар «Ақтөбе-Атырау» жолының 456 шақырымы қайта салынады. Оның 319 шақырымы Ақтөбе облысының аумағы арқылы өтеді. Аталған жол аралығындағы құрылыс-монтаждау жұмыстары биыл басталады. Байғанин ауданында 5 шақырым автожол қайта салынады, оған 1,2 млрд. теңге қарастырылды. Құрылыс жұмыстары 2020 жылы аяқталады деп күтілуде.

Облыстағы көлік инфрақұрылымын дамытудың басым жобаларының бірі Астана мен елдің батыс өңірлерін жалғайтын «Орталық - Батыс» жобасы. Қазіргі таңда «Орталық-Батыс» авмтомобиль жолындағы «Астана-Арқалық-Торғай-Ырғыз-Шалқар-Қандыағаш» бағыты құрылысының техникалық-экономикалық негіздемесі әзірленіп жатыр.

Шекара маңындағы жолдарды қалпына келтіруге де ерекше мән беріледі. Мысалы, 2017 жылы «Ақтөбе-Орск» автожолын қайта салу жоспарланып отыр.

“Жергілікті көлік инфрақұрылымын дамытудың басым жобаларының бірі «Ақтөбе қаласындағы оңтүстік айналма» жолын қайта жөндеу. Жоба Ақтөбе қаласын толық айналып өту мүмкіндігін көздейді, «Батыс Еуропа – Батыс Қытай» халықаралық көлік дәлізіне шығатын республикалық маңызы бар «Самара-Шымкент», «Ақтөбе-Атырау-Астрахань» және «Ақтөбе-Орск» жолдарын жалғайды. Жол екі бөлікке бөлінеді, біреуінде құрылыс-монтаждау жұмыстары 2014 басталды, екіншісі бөлігінде «Ақтөбе-Атырау» тас жолынан «Ақтөбе-Орск» тас жолына дейін ЖСҚ әзірленуде. Болашақта аталған жол аралығы Ұлттық қордың қаражаты есебінен жүзеге асыру үшін «ҚазАвтоЖол» ҰК» АҚ Ақтөбе филиалының балансына өтеді, - деді Есжанов.

Басқарма жетекшісі халықаралық көлік дәлізі және республикалық маңызы бар жолдардың қайта құрылысы аймақта көлік потенциалын арттыруға және болашақта Қытайдан Ресей Федерациясы мен Еуропа мемлекеттеріне жүк тасымалдау уақытын 1,5-2 есе қысқартуға мүмкіндік береді.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды