Ақтөбе облысында 2013 жылдың желтоқсанында ферроқорытпа инновациялық зауыты ашылады
19 Қараша, 2013 09:40
Ақтөбе облысында Индустрияландыру картасы бойынша ферроқорытпа зауытының құрылысы жүруде, ол 2013 жылдың желтоқсанында қолданысқа беріледі деп жоспарлануда, деп облыстың ішкі саясат басқармасы хабарлады.
« «Қазхром» ТҰК» АҚ «Жаңа ферроқорытпа зауытының (№4 цех) құрылысы» жобасы Қазақстанның республикалық индустрияландыру картасына кірді. Оның құны 111 млрд теңге, қуаттылығы 440 мың тонна, зауыт 2013 жылдың желтоқсанында аяқталады деп күтілуде», - делінген хабарламада.
Сондай-ақ, зауытта қуаттылығы 65 мың тоннаға тең цехтің құрылысы жүзеге аспақ.
Жалпы, 2013 жылы Индустрияландыру картасы бойынша 118,2 млрд теңге тұратын 11 жобаны жүзеге асыру жоспарлануда. Ол 1 мың жұмыс орнымен қамтамасыз етеді. Бүгінгі таңда қолданысқа 1,5 млрд теңге тұратын 6 нысан енгізілді, 240 жаңа жұмыс орны ашылды.
