• Басты
  • ҚР Ішкі істер органдарындағы заңдылықтың сақталуы ведомствоның Қоғамдық кеңесінде қаралды
29 Наурыз, 2016 19:24

ҚР Ішкі істер органдарындағы заңдылықтың сақталуы ведомствоның Қоғамдық кеңесінде қаралды

ҚР Ішкі істер министрлігінің жанындағы Қоғамдық кеңес отырысы өтті. Ведомствоның хабарлауынша, отырыста Ішкі істер органдарындағы заңдылықтың және тәртіптің сақталуына қатысты атқарылып жатқан шаралар мен оның жай-күйі туралы, сондай-ақ Кеңес қызметінің күнделікті сұрақтары қаралды.
ҚР Ішкі істер органдарындағы заңдылықтың сақталуы ведомствоның Қоғамдық кеңесінде қаралды

Сонымен қатар, министрлік қызметін ұйымдастыруды жетілдіру сұрақтары, яғни полиция жұмысының ашықтығын қамтамасыз ету, ішкі істер органдары қызметкерлерінің қызметтік этика нормаларын сақтауы бойынша мәселелер қарастырылды.

Отырыста қоғамдық маңызы бар міндеттерді атқару барысында ішкі істер органдарының кеңес мүшелерінің белсенді ат салысуына қарамастан полицияға қоғамның көмегі әрдайым қажет екендігі атап өтілді.
Бұл полиция қызметіне деген объективті қоғамдық көзқарасты қалыптастыру, ІІО қызметінің беделін көтеру, жол жүрісі қауіпсіздігі, заңсыз есірткі айналымына және сыбайлас жемқорлыққа қарсы күрес сынды сұрақтар.  
Отырыс барысында Кеңес мүшелерінің жеке және заңды тұлғалардың өтініштерін қарастыру жұмыстары да қаралды. ІІМ-нің ведомстволық веб-порталының басты бетінде «Қоғамдық кеңес» айдары бар, онда азаматтардың өтініштерін қарау тәртібі толық жазылған.
Қоғамдық кеңес мүшелері айына екі рет азаматтардың жеке қабылдауын жүргізеді. Қоғамдық кеңеске ведомстволық веб-портал арқылы, немесе «Электронды үкімет» порталы арқылы өтініш қалдыруға болады. Сондай-ақ ІІМ ғимаратының фойесінде Қоғамдық кеңеске өтініш беру үшін арнайы жәшіктер орнатылған. 
Өңірлерде әкімдіктер жанындағы жергілікті қоғамдық кеңестер, сонымен қатар азаматтардың өтінішін қарастыруға өкілетті  ІІД жанындағы кеңес беру органдары жұмыс істейді.  ІІМ Қоғамдық қызметі туралы барлық қажетті ақпарат веб-порталдың тиісті бөлігінде орналастырылған.
Отырыстың нәтижесі бойынша ішкі істер органдары қызметінің ашықтығын, қоғамдық мониторигті және оның нәтижелерін іске асыруға негізделген есеп берулерді қоғамдық тыңдауды қамтамасыз ету бойынша нақты іс-шаралар қабылдау ұсынылды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды