Ақтөбе облысындағы 500 кәсіпкер әйелге Іскер әйелдер кеңесінің көмегі тиген

29 Наурыз, 2016 08:57

2015 жылы Ақтөбе облысындағы 500-ге жуық кәсіпкер әйелге аймақтағы Іскер әйелдер кеңесінің көмегі тиген. Бұл туралы Ақтөбе облысы бойынша кәсіпкерлер палатасында ІӘК қызметінің қорытындысы туралы жиында айтылды.

2015 жылдың наурыз айында аймақта Іскер әйелдер кеңесі құрылған болатын. Оның құрамына Ақтөбе облысының 11 жергілікті іскер әйел кірген болатын.

«Атамекен» ҰКП хабарлағандай, Үйлестіру кеңесі бір жылда 12 көшпелі іс-шаралар өткізіп, кәсіпкерлерді қолдау орталығының мықты мамандары 245 кәсіп бастаушы ійелге семинар-тренингтер өткізген. Жұмысын жүргізіп жатқан 52 кәсіпкерге құқықтық мәселелер бойынша көмек көрсеткен. Тағы 25 азаматтың стартап-жобасы қаржыландырылған. 10 кәсіпкер бизнесін кеңейткен. Бұлардан басқа тағы 10 кәсіпкер әйелдің жер телімдерін алып, рұқсатнама құжаттарына қол жеткізулеріне жәрдемдескен.

Мемлекеттік-жекеменшік серіктестік аясында аймақтық кәсіпкерлер палатасының әрекет етуімен 2016 жылы бірнаша бағыт бойынша жобалар жүзеге асырылмақ. Олардың қатарында балалар мен әйелдерге арналған дағдарыс орталығы «Ак-руно» ЖШС, «Энергетик» балаларды сауықтыру ұйымы, «Дені сау ұрпақ» корпоративті қоры, «Әсем» профилактикалық- санаториясы бар.

Барлық жаңалықтар