• Басты
  • Б.Сапарбаев: 2017 жылы Ақтөбе облысы өзін толық электроэнергиямен қамтамасыз ететін болады

Б.Сапарбаев: 2017 жылы Ақтөбе облысы өзін толық электроэнергиямен қамтамасыз ететін болады

28 Наурыз, 2016 14:17
2017 жылы Ақтөбе облысы өзін толық электроэнергиямен қамтамасыз ететін болады. Бұл туралы Ақтөбе облысының әкімі Бердібек Сапарбаев дипломатиялық корпустың отырысы алдында журналистерге айтты.

«Бүгінгі таңда «Батыс транзит» АҚ-ң жасаған жұмысының арқасында ресейлік энергия тәуелді емеспіз. Біз Қазақстанның батыс аймағымыз. Мемлекеттік-жекеменшік серіктестік негізінде құрылған электртарату желісі бойынша өзімізді толық қамтамасыз етеміз. Бұл 500 шақырымға созылып жатқан жобаның құны 22 млрд. теңге. Осы желінің арқасында Қазақстан Ресейдің электрэнергиясына тәуелді емес»,-деп мәлімдеді ол.

Аймақ басшысынгың айтуынша, Ақтөбе облысы әзірге өзін элекроэнергиямен толық қамтамасыз ете алмайды.

«Біз жақында ғана өзіміздің ЖЭО-ға 500 МВт-қ жаңа цех енгіздік. Жаңажол газ өңдеу зауытына шамамен 120 МВт енгізілетін болады. Сол кезде бізде 60 МВт қана электроэнергия тапшылығы болады. 2017-ші жылы басқа да жобаларымызды жүзеге асыру арқылы 100% өзімізді қамтамасыз ететін боламыз»,-деп атап өтті ол.

Еске сала кетейік, бүгін Астанада Ақтөбе облысы әкімдігінің бастамасымен ҚР СІМ-ң қолдауымен «Дипломатиялық бизнес клуб» отырысы өтті. Оған Қазақстан Республикасындағы 43 дипломатиялық миссия басшылары қатысты. Олар: АҚШ, РФ, Қытай, Канада, Франция, Бельгия, Норвегия, Финляндия, Индия, Млайзия, Индонезия, Иран және таға басқа да мемлекеттер.

Индира Кауметова

Барлық жаңалықтар