• Басты
  • 2016 жылы Ақтөбе облысында 104 млрд теңгенің 6 жобасын жүзеге асыру жоспарланған
28 Наурыз, 2016 13:48

2016 жылы Ақтөбе облысында 104 млрд теңгенің 6 жобасын жүзеге асыру жоспарланған

Аталған жобалардан өзге 2016 жылы аймақта жалпы құны 104,7 млрд теңге болатын 6 жобаны жүзеге асыру жоспарланып отыр. Бұл туралы Астанада өткен Ақтөбе облысы әкімдігінің бастамасымен ҚР СІМ қолдауымен "Дипломатиялық бизнес клуб" отырысында мәлім болды.

2016 жылы Ақтөбе облысында 104 млрд теңгенің 6 жобасын жүзеге асыру жоспарланған | Strategy2050.kz

Жобалардың  ішінде шетел инвестицияларының қатысуымен цемент, никель зауыттары мен тұрмыстық қатты қалдықтарды өңдеу кәсіпорны бар.

Кездесу барысында Бердібек Сапарбаев Ақтөбе облысында қолайлы инвестициялық климат қалыптастыру үшін айырықша шаралар қолға алынып жатқандығын жеткізді. Көлік потенциалы мен минералды-шикізаттың мол қоры, негізгі ресурстар (энергетикалық және еңбек) аймақта тау-кен өндірісі мен химия өнеркәсібі, металлургия мен ауыл шаруашылығын дамытуға үлкен мүмкіндік береді.  

Соңғы 5 жылда Ақтөбе облысының негізгі капиталына 12,6 млрд. АҚШ доллары көлемінде инвестиция тартылды, оның 36% немесе 4,7 млрд. АҚШ доллары тікелей шетел инвестицияларының үлесіне тиесілі. Бес жылдың қорытындысы бойынша Ақтөбе облысы шетел инвестицияларын тарту жағынан республикада 2-ші орында тұр. Әлемнің 100-ден астам мемлекетімен сауда қатынастары орнатылды. Жалпы сыртқы сауда көлемі 3,7 млрд. АҚШ долларын құрады, оның 84% ақтөбелік тауарлар мен қызмет түрлері экспортының үлесінде.

Қазіргі таңда аймақ басшылығы шетелдегі ҚР Елшіліктерімен белсенді қарым-қатынас орнатуды бастап кетті. Жыл басынан бері ҚР СІМ ықпал етуімен ақтөбелік делегация үшін Қытай, Түркия, Иран, Польша, Словакия, Хорватия, Чехия және Финляндия елдеріне сапарлар ұйымдастырылып, озық іскерлік орта өкілдерімен кездесулер болып өтті.

Сонымен бірге Үндістан, Индонезия, Чехия, Германия, Финляндия, Норвегия және Швеция дипломатиялық миссиялары басшылары мен өкілдіктері Ақтөбе облысына іскерлік сапармен келді.

Индира Кауметова

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды