• Басты
  • Қазақстан Әскери-әуе күштерінің ұшу құрамы Үндістанда аман қалу курсынан өтті (ФОТО)
28 Наурыз, 2016 15:07

Қазақстан Әскери-әуе күштерінің ұшу құрамы Үндістанда аман қалу курсынан өтті (ФОТО)

Қазақстан Әскери-әуе күштерінің офицерлері майор Ержан Әбдіков пен Владимир Маркин Үндістанда қар құрсауындағы таулы жағдайлар мен джунглиде ұшу құрамының жауынгерлік аман қалу курсынан өтті, деп хабарлады Қорғаныс министрлігі.

Қазақстан Әскери-әуе күштерінің ұшу құрамы Үндістанда аман қалу курсынан өтті (ФОТО) | Strategy2050.kz

Аман қалу бағдарламасы үш аптаға бөлінді. Одан өту нәтижесінде әскери қызметшілер жақсы нәтижелермен толық курсты меңгерді.  Бағдарламаға практикалық дағдыны пысықтай отырып, автономды аман қалу жөніндегі мәселелердің толық тізбесі енгізілді.

Алғашқы апта киім-кешек пен керек-жарақтандырудағы 15 шақырымдық кросстан, жүріп өтілген жер бойынша 20 келілік жүгі бар 10 шақырымдық жүгіруден құралған күшейтілген дене даярлығын қамтыды. Таулар мен джунглидегі автономды аман қалу бойынша теориялық дайындыққа алғашқы медициналық көмек көрсету, жергілікті жерде бағдарлау, от пен суды іздеп табу, уақытша пана жасау, жабайы жануарлардан қорғану, қорек іздеу бойынша дәрістер курсы кірді.

Екінші апта барысында әскери қызметшілер таулы соқпақтар және суық қарумен мұздақтардан өту машығын қолдана отырып, 3 тәулік мерзімде биік таудың автономды жағдайларында іс жүзінде аман қалуды пысықтады. 5 тәулікке джунглидің автономды жағдайында әскери қызметшілердің іс жүзіндегі аман қалуы шешуші кезең болды. 

Олар азық-түлік пен суды іздеді, кедергілерден өтіп, жабайы хайуандардан қорғанды, жергілікті жерде бағдарланды, суық қарумен қосалқы көмексіз 50 шақырымға дейінгі қашықтыққа көшті. Курс аяқталысымен қазақстандық офицерлерге дипломдар мен төсбелгілер табыс етілді. Нәтижесінде ұшу құрамы бағдарсыз жерде ұшу аппараттарын апаттық қалдырып кету жағдайында автономды аман қалуда тәжірибе жинақтады. 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды