• Басты
  • ОСК басшысы ЕҚЫҰ/ДИАҚБ Миссиясының басшысына сайлау жұмысына қатысқаны үшін алғыс білдірді
28 Наурыз, 2016 13:08

ОСК басшысы ЕҚЫҰ/ДИАҚБ Миссиясының басшысына сайлау жұмысына қатысқаны үшін алғыс білдірді

Қазақстан Республикасы Орталық сайлау комиссиясының Төрағасы Қ. Тұрғанқұловтың Қазақстан Республикасы Парламенті Мәжілісі депутаттарының кезектен тыс сайлауын байқау жөніндегі ЕҚЫҰ/ДИАҚБ Миссиясының Басшысы Борис Фрлец мырзамен кездесуі болды, деп хабарлады ОСК баспасөз қызметі.

ОСК басшысы ЕҚЫҰ/ДИАҚБ Миссиясының басшысына сайлау жұмысына қатысқаны үшін алғыс білдірді | Strategy2050.kz

Кездесуге ЕҚЫҰ/ДИАҚБ Миссиясы Басшысының орынбасары Полин Мария Лемос, ҚР ОСК мүшелері, сондай-ақ ЕҚЫҰ/ДИАҚБ-ның сайлау және құқық мәселелері жөніндегі мамандары қатысты.

Ортсайлауком басшысы Фрлец мырзаға ЕҚЫҰ/ДИАҚБ Миссиясының Қазақстан Республикасы Парламенті Мәжілісі депутаттарының кезектен тыс сайлауын байқау жөніндегі жұмысына, сондай-ақ ұсынған ұсынымдары үшін алғыс білдірді.

«Біз ЕҚЫҰ/ДИАҚБ-ның Алдын ала тұжырымдар мен қорытындылар туралы мәлімдемесімен мұқият танысып шықтық. Біз Миссияның сайлауды ұйымдастырушылардың адал жұмысын жоғары бағалағанына қуаныштымыз» - деп атап өтті Қ. Тұрғанқұлов.

ЕҚЫҰ/ДИАҚБ Миссиясының Басшысы өз кезегінде ҚР ОСК тарапынан кездесу ұйымдастырылғанына, сондай-ақ көрсетілген көмек пен ынтымақтастық үшін ризашылығын білдірді.

Кездесу барысында ЕҚЫҰ/ДИАҚБ мен ҚР ОСК сарапшыларының өзара іс-қимылын ұйымдастыруға байланысты мәселелер талқыланды.

«ЕҚЫҰ/ДИАҚБ Миссиясымен ынтымақтастық аясындағы оң тәжірибені ескере отырып, біз электораттық науқан жөніндегі өз пікірімізді жеткізу үшін ЕҚЫҰ/ДИАҚБ сарапшыларымен тығыз қарым-қатынаста жұмыс істеуге дайын екенімізді білдіреміз, біздің пікірімізге құлақ асып, ескеретіндеріңізге сенім білдіреміз» - деп атап өтті Ортсайлауком Басшысы.

Кездесу соңында Қ. Тұрғанқұлов «Біз ЕҚЫҰ/ДИАҚБ Миссиясының барлық сарапшыларына жүргізген жұмысы үшін алғысымызды айтамыз және бұдан әрі жемісті ынтымақтастықта болатынымызға сенім білдіреміз» -  деді.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды