Елбасы «VI шақырылған ҚР Парламентінің бірінші сессиясын шақыру туралы» Жарлыққа қол қойды
24 Наурыз, 2016 16:34
Елбасы Нұрсұлтан Назарбаев «VI шақырылған ҚР Парламентінің бірінші сессиясын шақыру туралы» Жарлыққа қол қойды, деп хабарлады Ақорданың баспасөз қызметі.
«Қазақстан Республикасы Конституциясының 59-бабының 2-тармағына сәйкес ҚАУЛЫ ЕТЕМІН:
1. Алтыншы шақырылған Қазақстан Республикасы Парламентінің бірінші сессиясы 2016 жылғы 25 наурызда сағат 10-да Астана қаласында шақырылсын.
2. Осы жарлық қол қойылған күнінен бастап қолданысқа енгізіледі», - делінген Жарлық мәтінінде.
