• Басты
  • Шымкентте Түрік кеңесі елдері туроператорларының консорциумын құру туралы меморандумға қол қойылды.
24 Наурыз, 2016 12:59

Шымкентте Түрік кеңесі елдері туроператорларының консорциумын құру туралы меморандумға қол қойылды.

Шымкентте Түрік кеңесінің елдері – Түркия, Әзірбайжан, Қырғызстан және Қазақстан мемлекеттерінің туризм саласындағы компанияларынан құралған жұмыс тобының VIІ отырысы өтті, деп хабарлады ОҚО әкімінің баспасөз қызметі.
Шымкентте Түрік кеңесі елдері туроператорларының консорциумын құру туралы меморандумға қол қойылды.

Жиында «Жаңа заманғы Жібек Жолы» бірыңғай туристік өнім бағдарламасын құру жайы талқыланып, оның халықаралық туристік нарықта даму мәселесі қаралды.

Басқосуда аталған бағдарламаның халықаралық әуе тасымалының құны ескерілген таныстырылымы өтіп, Жібек жолының жүрегі саналатын Оңтүстік Қазақстан облысының туристік әлеуеті жайлы сөз болды.

«Түркі тілдес елдер кеңесі секретариаты тарапынан «Жаңа заманғы Жібек жолы» бірыңғай туристік өнімінің маркетингтік стратегиясының жол картасының тұсау кесері жасалды. 2016 жылғы Түрік кеңесі елдерінің қызмет көрсету сапасын жақсарту мақсатында қатысушы мемлекеттерге Түркия Республикасының мәдениет және туризм министрлігі әзірлеген бағдарлама көрсетілді», - делінген хабарламада.

Жиын ясында «Экспо-2017» көрмесі кеңесшісінің орынбасары Роза Асанбаева халықаралық «Экспо-2017» көрмесі кезінде пойыз-қонақ үйдің Қазақстан бойынша экскурсиялық турының бастау алатынын айтты.

Отырыс соңында Түрік кеңесі елдері туроператорларының консорциумын құру туралы меморандумға қол қойылды.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды