• Басты
  • Н.Назарбаев: Біздің жастар болашаққа сенулері керек және болашақ үшін еңбек етулері қажет
21 Наурыз, 2016 14:09

Н.Назарбаев: Біздің жастар болашаққа сенулері керек және болашақ үшін еңбек етулері қажет

Бүгін Елбасы Нұрсұлтан Назарбаев Астанадағы «Наурыз тойланып жатқан этноауылда Қазақстан халқын Ұлыстың Ұлы күнімен құттықтады.
Н.Назарбаев: Біздің жастар болашаққа сенулері керек және болашақ үшін еңбек етулері қажет

«Әз-Наурыз барша халқымызға құтты болсын! Осы жерге жиналған халыққа, барлық қазақстандықтарға шын жүрегіммен бақ-береке тілеймін. Ұлыстың Ұлы күні кешегі сайлаудағы ұлы жеңісімізбен қатар келді. Сондықтан Қазақстан халқы бір үйдің баласындай аман-есен жүріп жатқан жағдайымыз бар. Осы бірліктен Жаратқан бізді әр уақытта ажыратпасын. : Біздің жастар болашаққа сенулері керек және болашақ үшін еңбек етулері қажет. Барлық істеп жатқан жұмыс - келер ұрпақтың қамы. Келер ұрпаққа беретін аманатымыз елдің бірлігін сақтап, Тәуелсіздігімізді көздің қарашығындай қорғап, болашаққа жол салатын болсын! Халқымыз осы күні бір-біріне тілеген жақсы тілектер орындалады деген. Сондықтан мен баршаңызға, әрбір отбасына, әрбір азаматқа бақ-береке тілеймін», - деді Н.Назарбаев.

Еске сала кетейік, Наурыз мерекесін атап өтуге Астанада 70-ке тарта іс-шара өткізу жоспарланған. Қаланың 14 алаңында мерекелік іс-шара өтеді. «Астана Арена» стадионының аумағындағы алаңда, «Қазақ елі» монументінде, «Жерұйық» және «Студенттер»  саябағында, «Жастар» театрының алаңында, сондай-ақ, Мичурин мен Теміржол ауылдарында, «Шығыс Ильинка», «Пригородный», «Өндіріс» тұрғын алабтарында, «Наз» мемлекеттік театрының алдындағы алаңда іс-шаралар ұйымдастырылуда.

Анара Таныркулова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды