Қазақстандағы сайлау жоғары деңгейде өтті - Грекиялық бақылаушы (ФОТО)
«Бізді халықаралық бақылаушы ретінде шақырғандықтан, біз кеше сайлау учаскелерінде болып, дайындық барысымен таныстық. Байқағанымыздай, барлығы жоғары деңгейде өтіп жатыр. Біз дайындық жұмыстарын да, жалпы сайлау процесін де өз көзімізбен көрдік және оның тиісті деңгейде өтіп жатқанына сенімдіміз. Сайлау учаскелеріндегі жауапты қызметкерлер біздің бақылаушы ретінде қойған сауалдарымызға жауап берді. Қорытындылай айтқанда, елдегі сайлау заңға сай өтіп жатыр», – деді Грекия-Еуразия іскерлік кеңесінің президенті Спиридон Кувелис.
Ал Грекиядағы Теннис федерациясының президенті Занияс Спиридон бүгінгі сайлауға грекиялық бақылаушылардың қатысуы Қазақстан мен Грекияның қарым-қатынасын жақындатуға әсер ететініне сенім білдірді.
«Бұл сауда, спорт сынды салаларда екі ел ынтымақтастығын дамытуға мүмкіндік береді деп ойлаймын. Ал сайлау жайына келер бослақ, кешегі күннен бері осы процестің басы-қасында болдық және ешқандай заңсыздықтар тіркелген жоқ. Барлығы тиісті деңгейде өтуде», – деді грекиялық бақылаушы.
