Сайлау кезінде тәртіпбұзушылық байқалмады – британдық бақылаушы
20 Наурыз, 2016 13:14
Қазақстандағы сайлау процесі заңға сай өтіп жатыр. Бұл жөнінде елдегі бүгінгі сайлауға халықаралық бақылаушы ретінде қатысып отырған Ұлыбританияның «Integrative Media LLP» бас атқарушы директоры Алан Спенс мәлімдеді.
«Біз бақылаушы ретіндегі өз жұмысымызды орталық кітапханадан бастадық және тек дауыс беру процесін ғана бақыладық. Халық белсенді дауыс бергенін және ешқандай заңбұзушылықтар орын алмағанын айтқым келеді. Сайлау осы процестің өтуін реттемелейтін ҚР «Сайлау туралы» заңына сай өтіп жатыр», – деді Алан Спенс.
