М.Демеуов: Сайлау учаскелеріндегі тәртіпті 20 мың тәртіп сақшысы күзетуде

«Қазақстан Республикасының сайлау туралы» конституциялық заңына сәйкес бүгінгі күні барлық құқық қорғау органдары үшін жұмыс күні болып табылады. Осыған байланысты ішкі істер органдарына қоғамдық тәртіпті қорғау, қоғамдық және жол қауіпсіздігінің тиісті деңгейін қамтамасыз ету бойынша міндеттерді орындауда үлкен жауапкершілік жүктеледі.Жедел жағдайды сауықтыру және тиісті құқықтық тәртіпті қамтамасыз ету үшін    ІІМ 16-18 наурыз аралығында «Құқықтық тәртіп» жедел-профилактикалық іс-шара жүргізілді. Сайлау учаскелерінде кез келген құқыққа қайшы әрекеттерге жедел ықпал ету үшін бірқатар іс-шаралар жүзеге асырылды”, - деді М.Демеуов.

Басшылықтың және командалық құрамның тәулік бойы кезекшілігі ұйымдастырылды. Қосымша күштерді тарту арқылы патрульдік жасақтар көбейтіліп, сайлау учаскелеріне жақын көшелерге көбірек бекітілді.