Мәжіліс пен барлық деңгейлі мәслихат сайлауы жоғары деңгейде ұйымдастырылған – НАТО ПА бақылаушысы
20 Наурыз, 2016 12:47
Мәжіліс пен барлық деңгейлі мәслихат сайлауы жоғары деңгейде ұйымдастырылған, деді НАТО Парламенттік ассамблея итальяндық делегацияның мүшесі Франко Паницца Астанадағы брифингте.
«Бүгін біз дауыс беруге келген халықтың белсенділігін байқадық. Жастармен қатар егде жасқа келгендер де дауыс берді. Мүмкіндігі шектеулі адамдарға барлық жағдай жасалды. Сондай-ақ, Қазақстанның шетелдегі азаматтары үшін де барлық жағдай жасалып отырғанын байқадық. Барлығы жоғары деңгейде ұйымдастырылған», - деді ол.
Айта кетейік, 20 наурыз Мәжіліс пен барлық деңгейлі мәслихат сайлауы өтуде.
