СІМ: Шетелде сайлаушылар тізімінде Қазақстанның 14 мыңға жуық азаматы бар
20 Наурыз, 2016 12:24
Шетелде сайлаушылар тізімінде Қазақстанның 14 мыңға жуық азаматы бар, деді Сыртқы істер вице-министрі Роман Василенко ОКҚ-да.
«Шетелде 65 сайлау учаскесі ұйымдастырылды. Сайлау учаскелерінің учаскелік құрамы 10 ақпанда Астана мәслихатының отырысында бекітіліп, жергілікті баспасөзде жарық көрді. Сайлау заңына сәйкес, шетелге келген Қазақстан азаматтары өз паспорттары болған жағдайда, сайлау учаскелеріне тіркеледі», - деді Р.Василенко.
Вице-министрдің айтуынша, 19 наурыздағы жағдай бойынша, шетелде 14 мыңға жуық қазақстандық азамат сайлауға қатысады.
«Президенттік сайлаумен салыстырғанда сайлаушылар саны 6 мың адамға қысқарды. Ол алдағы мерекеге орай болып отыр. Көптеген отандастырымыз Наурызда Қазақстанға келеді», - деді ол.
Ботагөз Айтжанова
