ҚР Президенті: Үкіметтің қазіргі құрамына реформаларды аяқтауға мүмкіндік беру қажет

"Болжам бойынша Парламент пен жергілікті мәслихаттардың 60 пайызы жаңарады. Бұл дұрыс, өмір жаңа сауатты адамдарды қажет етеді. Үкіметті Парламент қалыптастырады. Жаңа сайланған Парламенттің алдында Үкімет өз өкілеттігін доғарады. Парламенттің құрамы сайланып, бекітілгеннен кейін Парламент Үкімет сенімі үшін дауыс береді. Егер Премьер-министрге сенім артылса, Үкімет жұмысын жалғастыра береді. Егер ол сенімге ие болмаса, Үкімет таратылады", - деп жауап берді Н.Назарбаев.

Мемлекет басшысы бұл мәселеге қатысты өз жеке пікірін білдірді.

"Егер менің жеке пікірімді білгілерің келсе, Үкіметтің өткен жылы Президент сайлауынан кейін өзгергенін еске салып өткім келеді. Бұл да Конституцияға сәйкес жасалды. Бүгінгі Үкімет қазір жұмыс жасап жатқан бағдарламаларды әзірледі. Менің ойымша, Үкімет құрамы өте сауатты іріктелді. Үкімет мүшелері білімді, жас, тілдерді біледі, өз ісінің шеберлері. Біз оларға бастаған істерін соңына дейін жеткізуге мүмкіндік беру керек деген ойдамын", - деді Президент.