Сайлауды өткізуге арналған барлық нұсқаулар мен ұсынымдар сауатты әзірленген – халықаралық сарапшылар

\«Кездесу барысында біздің қарым-қатынасымызды талқыладық және бізде де қыста Парламент сайлауы өтеді,сол себепті әрі қарай ынтымақтастық жасауға келістік. Біз сайлаудың тыныш және біркелкі өтетініне сенеміз. Ертен міндетті түрде сайлау учаскілерінде болып қайтамыз және сайлаудың ашылуы мен жабылуында боламыз»,-деп Беларусияның халықаралық бақылаушысы Александр Дудко айтты.

Сарапшының айтуы бойынша, сайлау өткізуге арналған барлық нұсқаулар мен ұсынымдар сауатты әзірленген.

Өз кезегінде Эстонияның халықаралық өкілі Эстонияда сайлау өткізу кезінде жаңа технологиялардың қолданатындығын және оның барлығы сайлау процестерінің жұмысын қысқартуға септігін тигізетіндігін атап өтті.

«Эстонияда парламенттік сайлау өткен жылы өтті және үштен бір сайлаушы Интернет арқылы дауыс берді. Біз интернет-дауыс беруді қолданғанымызбен мақтанамыз, өйткені Эстония Республикасында алғашқы рет жаңа технология қолданылды»,- деді сарапшы.

«Осы жолы ҚР Парламентінің сайлауына бақылаушы ретінде шақырылдық. Біз алда болатын сайлау туралы өте жақсы шолу алдық. Ертен Астанадағы түрлі сайлау учаскілерінде боламыз, сондай-ақ Астананың маңындағы ауылдық жерлерде. Біздерге сайлаудың қалай өтетіні, сайлау үрдістері қызық және сайлауға қанша сайлаушылардың келетіндігі де қызықтырады»,- деп эстониялық бақылаушы айтты.

Естерінізге сала кетейік, кезектен тыс парламент сайлауы Президенттің жарлығы бойынша 20 наурызға бекітілді. Онда алты саяси партия қатысады: «Нұр Отан», «Ақ жол» Демократиялық  партиясы, Қазақстан халқы Коммунистік партиясы, Жалпыұлттық социал-демократиялық партиясы, «Ауыл» және «Бірлік» партиясы.

Индира Қауметова