С.Ақылбай: Қазақстан алдағы сайлауға халықаралық бақылаушылардың қатысуына үлкен мән береді
19 Наурыз, 2016 12:07
Парламент Мәжілісі мен жергілікті өкілетті органдардың мерзімінен бұрын сайлау үшін сайлау алдындағы науқанның барысы Сенаттың Конституциялық заңнама,сот жүйесі және құқық қорғау органдары комитетінің төрағасы Серік Ақылбайдың Польша Сеймінің бұрынғы төрағасының орынбасары Еж Вендерлихпен кездесу барысында талқыланды.
Сенатор Қазақстан алдағы сайлауға халықаралық бақылаушылардың қатысуына үлкен мән беретіндігін атап өтті.
Палатада хабарлағандай, кездесу барысында екіжақты ынтымақтастық мәселесі де талқыланды. С.Ақылбай елімізге поляк қоғамдастығының саяси-әлеуметтік және экономикалық өмірге белсенді қатысуы екі ел арасындағы достық қарым-қатынасты нығайтуда маңызды рөл атқаратындығын айтып өтті.
«ЭКСПО-2017» халықаралық көрмесіне Польшаның қатысатындығына үміт білдіріп, сенатор, Астанада пляк компаниялары өздерінің соңғы жетістіктерін көрсету үшін көрменің мүмкіндігін барынша пайдалана алатындықтарын айтты.
