ҚР ҚМ қорғаныс өнеркәсібін одан әрі дамыту бойынша кеңес өткізді
Естерінізге сала кетейік, «Қазақстан инжиниринг» ҰК» АҚ компанияларының тобы қорғаныс, мұнай газ, көлік және энергетикалық салаларға арналған өнімді өндіру, қызмет көрсету және дайындауда мамандандырылуда. Сондай-ақ жағрафиялық тұрғыда ұсынылған еліміздің барлық өндіріс қалаларында машина құрастыру саласының 35 кәсіпорнын біріктіретін құрылым болып табылады.
«Компанияның дамуы стратегиясында инновацияны дамыту да бар. Дәл осы сала қазіргі заманғы әлемде өндірушілер мен әзірлеушілерге өздерінің салаларында көшбасшылықты қамтамасыз етуге мүмкіндік береді», - деп қорғаныс ведомствосының басшысы атап өтті. Сонымен қатар ол бірқатар нақты тапсырмалар берді. «Компаниялардың барлық тобы шеңберінде зерттеу белсенділігінің үйлестірілуін қамтамасыз ету үшін инновациялық машина құрастыру орталығының базасында орталық команда құру қажет».
Ұлттық компания соңғы жылдар ішінде оптикалық аспаптарды, радиолокациялық жүйелерді, ЕС-145 тікұшақтарын, сондай-ақ КАМАЗ-дың аутсорсингі мен «Арлан» броньдалған дөңгелекті машиналарды шығару сынды бірқатар ірі инвестициялық жобаларды іске асырғанын айтып өту қажет.
Одан басқа, «Барыс» броньдалған дөңгелекті машиналарды іске асыру, авиатехникалық орталықты салу, тактикалық буын радиостанцияларын өндірудің белсенді фазасы жүріп жатыр.
«Қазақстан инжиниринг» ҰК» қорғаныс өнеркәсібінің өнімі ағымдағы жылдың маусымында «KADEX» қару-жарақ пен әскери-техникалық мүлік халықаралық көрмесінде ұсынылатынын айта кетейік. Осылайша, ұлттық компания жабық павильонды салуды ұйымдастыруды, сондай-ақ әзірлемелер мен өндірілетін су жаңа қару-жарақты көрсету жоспарланып отырған ашық алаңдарда өнімнің үлгілерін шығаруды жоспарлап отыр.
