ҚР ОСК сайлауға дайындыққа ұйымдастырушылықпен қарайды - Әзірбайжан бақылаушысы (ФОТО)
18 Наурыз, 2016 16:27
Қазақстан Республикасы Орталық сайлау комиссиясының Хатшысы Б. Мелдешов Әзірбайжан Республикасы Орталық сайлау комиссиясының Хатшысы М. Рагимовпен кездесті.
Әзірбайжан Республикасы ОСК Хатшысы Қазақстанда сайлауды байқауды бірінші рет жүзеге асырып отырмағандығын айтты.
«Сайлау процесінің жақсы ұйымдастырылуын атап өткім келеді және біздің қазақстандық әріптестерге осы жылы да сайлауды транспаренттік пен плюрализмнің демократиялық қағидаттарына сәйкес жоғары кәсіби деңгейде өткізуді тілеймін» - деп атап өтті Рагимов мырза.
Кездесу соңында екі елдің Орталық сайлау комиссияларының Хатшылары ынтымақтастықтың және сайлау тәжірибесі мен сайлау заңнамасын жетілдіру саласында тәжірибе алмасудың одан әрі жалғасуына ниет білдірді.
Ботагөз Айтжанова
