Астанада дактилоскопиялық және геномдық тіркеуді енгізу сұрақтарын талқылады

«Мемлекеттік дактилоскопиялық және геномдық тіркеу саласында жаңадан әзірленіп жатқан заң жобасының негізгі ережелері талқыланды», - деп хабарламада нақтыланған.

Жаңа жобасы дактилоскопиялық және геномдық тіркеу арқылы адамның жеке басын сәйкестендіру жұмысын жаңа сапалы деңгейге көтеру қажеттілігінен туындап отыр.

Заң жобасы дактилоскопиялық және геномдық деректер негізінде нақты бір адамның жеке басын дәл анықтауға және осы ақпаратты тек құқық қорғау органдарының мүддесіне ғана емес, көптеген өзге де салаларда (әлеуметтік, банк, көлік және коммуникация, рұқсат алуды бақылау) пайдалануға мүмкіндік береді.

Дактилоскопиялық және геномдық тіркеуден өткізу - әрбір адамға жазатайым оқиғалар, табиғи апаттар (су тасқыны, жер сілкіну, өрт) және әуе, темір жол апаттарында кез-келгеннің жеке тұлғасын анықтауға кепілдік береді. Есінен танып, санасынан адасқандарға да оң ықпалын тигізетіні сөзсіз. Бұған қоса, адам өзі туралы қандай да бір мәлімет хабарлауға шамасы келмеген жағдайда, орталықтандырылған деректер базасы жоғалып кеткен отбасы мүшесін анықтауға көмектеседі.

Халықаралық тәжірибе дактилоскопиялық және геномдық тіркеудің кеңінен қолданылып отырғанын көрсетеді.

Дөңгелек үстелдің қорытындысы бойынша мемлекеттік органдар үшін  дактилоскопиялық және геномдық тіркеу саласында заң жобасын әзірлеу жөніндегі практикалық және заңнамалық ұсынымдар қабылданды.