«Мәңгілік ел» мамандандырылған пойызы Алматы қаласының соңғы станциясына келді (ФОТО)

«33 күн ішінде біздің пойыз 11 мың шақырым жол жүрді, 33 елді мекенде болды және олардың ішінде үлкен қалалалр мен шағын елді мекендер болды. Өз шарамызбен 55 мыңнан астам азаматты қамтыдық, олардың ішінде «Мәңгілік ел» пойызының медицина мамандарына 13 мыңы жүгінді»,-деп мамандандырылған пойыздың бастығы Руслан Барбасов айтты.

Министрліктің өкілдері мен ҚР ведомстволары Алматы қаласының тұрғындарымен штаттық режимде кеңес беру жұмыстарын өткізді, ал пойыз дәрігерлері, Астана мен Алматы қалаларының жетекші мамандары қала ауруханаларында тегін кеңес ұйымдастырды.

Р.Барбасовтың айтуынша, «Қазақстан темір жолы» ҰК» АҚ жоғары қызмет көрсетуі, «Мәңгілік ел» пойызы қызметкерлерінің күш-жігері арқасында барлық жолды өтіп, бекітілген кесте бойынша барлық станцияларда уақытылы болды.

«Бұл теміржолшылардың жасап жүрген күнделікті жұмысы. Әрбір станцияда жолаушыларды жарықпен және электрмен қамтамасыз ету үшін аккумуляторды зарядтаймыз және көмірді толықтырып, су құямыз. Бұл пойызда ыңғалылық үшін крандардан суық су мен ыстық су ағып тұрады.  Темір жолдың аймақтық басшылық бөлімі осы жағынан өздерін жақсы көрсете білді»,-деді ол.

Айта кетейік, Алматы осы жылы Тәуелсіздіктің 25 жылдығын атап өтуден бөлек, өзінің жеке мерекесі – 1000 жылдығын атап өтеді. Бұл ЮНЕСКО-ның Мерейтойлық күн тізіміне енгізілген. «Мәңгілік ел» пойызының өкілдері қаланың тұрғындарын атаулы күндерімен құттықтап, гүлденуі мен одан әрі дамытуна тілек білдірді.