2016 жылдан бастап «Болашақ» стипендиясының үміткерлеріне қойылатын талаптар жеңілдетіледі
18 Наурыз, 2016 12:39
2016 жылдан бастап «Болашақ» стипендиясының үміткерлеріне қойылатын талаптар жеңілдетіледі, деді ОКҚ-да «Халықаралық бағдарламалар орталығы» АҚ президенті Ғани Нығыметов.
«Өткен жылғы конкурстық іріктеу тәжірибесі бойынша 2016 жылдан бастап халықтың құжаттар дайындау шығыстарын оңтайландыру мақсатында құжаттар пакетін тапсыру нысанына талаптар жеңілдетілді.Конкурстық іріктеуді кеңінен анонстау және тұрғындарды барынша мол тарту мақсатында бағдарламаның ресми әкімшісі ақпараттық-түсіндіру іс-шараларын жүзеге асыруда. Олардың шеңберінде өңірлерде өнеркәсіптік кәсіпорындар мен ұйымдарда еңбек ұжымдары арасында кездесулер мен брифингтер өткізілуде», - деді Ғ.Нығыметов.
