Жамбыл облысында соңғы 3 жылда 9 спорт кешені пайдалануға берілді

«Сонымен қатар, облыста спортты, оның ішінде бұқаралық спортты өркендетуге  бағытталған 2011-2015 жылдарға арналған аймақтарды дамытуға арналған бағдарлама іске асырылды.Бүгінгі таңда осы бағдарлама шеңберінде өңірде спортты дамыту мақсатында жаңа спорт нысандары бой көтерді.Мысалы, 2012 – 2015 жылдары облыста 9 спорт кешені қолданысқа берілді (Тараз қаласы-5, Сарысу-1, Талас-1, Мойынқұм-1, Жуалы-1).Сонымен қатар, облыстық бюджет және демеушілер тарапынан 31 спорт алаңшасы салынды (Тараз қаласында 14, аудандарда 17)»,- деді Г.Қайнарбеков.

Бір ғана, 2015 жылы Мойынқұм, Жуалы аудандарында спорт зал  кешендері, Тараз қаласында №3 олимпиада жеткіншектерін даярлайтын спорт мектебіне арналған дене шынықтыру-сауықтыру кешенінің құрылысы пайдалануға берілді.Тараз қаласында шағын футбол, баскетбол және волейбол ойындарына арналған жасанды төсенішпен қоршалған - 3, Қаратау қаласында - 2 спорт алаңшасы спортпен айналысушылар, оның ішінде жастардың игілігіне айналды.

Сондай-ақ, соңғы жылдары ірі өндіріс орындарындағы қызметкерлер мен жұмысшы-жастардың спортпен айналысулары басты назарға алынды. Нәтижесінде «Казфосфат» жауапкершілігі шектеулі серіктестігі тарапынан спорт кешені пайдалануға берілді. Бұл спорт кешенінде бүгінгі таңда 600 жұмысшы және 150-ге жуық жасөспірімдер спортпен тұрақты шұғылдануда.