ЕҚЫҰ Парламенттік ассамблеясының миссия басшылары Қазақстанның сайлауға дайындығын жоғары бағалады (ФОТО)

«Кездесу барысында шетелдік қонақтар Орталық сайлау комиссиясы мен ҚР мемлекеттік органдарының халықаралық бақылаушылармен қарым-қатынасын жоғары бағалады және жалпы Қазақстанның алдағы сайлауға дайындығын жоғары бағалады»,-деп хабарландыруда айтылған.

Өз кезегінде сыртқы саясат ведомствосының басшысы сайлау өткізудің жалпы жұмысын және аталмыш миссияның міндеттерін айтып өтті.

Е.Ыдырысов қонақтарды бес институционалды реформаны іске асыру барысында Қазақстандағы маңызды саясатпен, экономикалық және әлеуметтік өзгерістермен таныстырды.

Министр сайлауалды науқан кезінде саяси партиялар қазақстандық қоғамға елдің әрі қарай дамуына ұсыныстар білдіргендігін атап өтті. Бұл қоғамдық пікірсайыстар мен дебаттарды жандандырды.

«Қазақстан сайлаудың жақсы өтуіне үлкен мән береді. Біз ең жоғары демократиялық стандарттарға сәйкес сайлауды ұйымдастыру арқылы 100% халықтың сенімін қамтамасыз етуге ниеттіміз»,-деді Е.Ыдырысов.

М.Тидеи Қазақстанда өткізіліп жатқан саяси экономикалық реформа мен әлеуметтік дамуға оңтайлы қарады. «Мені Қазақстанның позитивті және прагмативті қадамы таң қалдырды»,- деді ол.

Г.Й.Беккевольд қазақстандық жақты сайлауда бақылаушы болып шақырғандықтарына алғысын білдірді.

Кездесу соңында тараптар алдағы кезеңде тығыз және сындарлы ынтымақтастыққа дайын екендіктерін растады.

Айта кетейік, ЕҚЫҰ ПА ҚР Пардамент Мәжілісінің депутат сайлауына 76 делегацияны бақылауға жіберуде. Бұл біздің еліміздегі сайлауға ЕҚЫҰ ПА тарапынан келген ең ірі миссиялардың бірі.