Алматы-Шу учаскесіндегі екінші жолдың құрылысы 2016 жылдың соңында аяқталады
17 Наурыз, 2016 17:11
Алматы-Шу учаскесіндегі екінші жолдың құрылысы 2016 жылдың соңында аяқталады, деді деді ОКҚ брифингінде ИДМ көлік комитеті төрағасының орынбасары Дмитрий Потлов.
«Өткізу мүмкіндігін арттыру үшін Алматы-Шу учаскесінде ұзындығы 124 км. екінші жолдың құрылысы жүріп жатыр. Жобаны аяқтап, пайдалануға беру биылғы жылдың аяғына жоспарланып отыр. Автожол саласында жалпы құны 7 млрд. АҚШ доллары (2,4 трлн. теңге) болатын 11 жобаны жүзеге асыру қарастырылған. Қайта жаңғырту жұмыстары 7 мың км. автокөлік жолын қамтиды деп жоспарланған», - деді ол.
Айта кетейік, автожол жобалары Астанадан барлық бағыттарға «сәуле» сияқты тарайтын - Орталық-Оңтүстік, Орталық-Шығыс, Орталық-Батыс жаңа автокөлік жолдарының құрылысына және қайта жаңғыртуға бағытталған. Жұмыстар 2020 жылға дейін толық аяқталады.
Анар Тәңірқұлова
