Астанада сот жүйесі қызметшілерінің біліктілігін арттыру курстары жүруде

18 Қараша, 2013 11:50

ҚР Президенті жанындағы мемлекеттік басқару академиясында 2013 жылдың 18 қарашасында облыстық және осы деңгейдегі сот жүйесі қызметкерлерінің біліктілігін арттыру курстары өтуде, деп академияның баспасөз қызметі хабарлады.

«Академия біліктілікті арттыру бойынша негіз болып отыр, ол біріншіден, аудандық, қалалық, облыстық деңгейдегі сот жүйелерінің біліктілігін арттыру ошағы. Аталмыш мекемедегі сабақтарды Академияның жетекші мамандары, Жоғарғы Сот, меморганның жетекшілері өткізеді», - деп хабарламада нақтыланған.

Өз сөзінде академия ректоры Б.С. Әбдірасілов инновациялық жаңашылдықтар академияның тәжірибелік жұмысын арттыруға мүмкіндік бергенін атап өтті. Бұл үрдістердің қорытындысы сот мамандарының біліктілігін арттырып, бірқатар оң нәтиже көрсетті, деді ол.

Оқу бағдарламасы бойынша жұмыстың 77 пайызы тәжірибеге берілсе, 23 пайызы мемлекеттік саясаттың тереңдеуіне байланысты тақырыптарға арналған.

Ағымдағы жылы Жоғарғы соттың төрағасы мен Мемлекеттік басқару академиясының ректоры екі мекеме арасында екіжақты соттық білім беру бойынша ортақ жүйе құрастырды. Ол білім беру мен біліктілікті, ұйымдастырушылықты арттыруға бағытталған.

Сондай-ақ, курстардың өту барысында 21-22 қараша аралығында «Адамдармен саудаласу: жәбірленушілерді сотпен қорғау» тақырыбында тренинг өткізіледі. Ол АҚШ Елшілігі мен Астанадағы ЕҚЫҰ орталығының бірігуімен жүзеге аспақ.

Ал, 25 қарашада БҰҰ даму бағдарламасының қолдауымен тыңдаушыларға «Ақпаратқа қол жеткізу» тренингі өтеді.