• Басты
  • Қытайдан Қазақстан арқылы Еуропаға контейнерлік жүк тасымалдау 2015 жылы екі есе өсті – ИДМ
17 Наурыз, 2016 16:32

Қытайдан Қазақстан арқылы Еуропаға контейнерлік жүк тасымалдау 2015 жылы екі есе өсті – ИДМ

Қытайдан Қазақстан арқылы Еуропаға контейнерлік жүк тасымалдау 2015 жылы екі есе өсті, деді ОКҚ брифингінде ИДМ көлік комитеті төрағасының орынбасары Дмитрий Потлов.
Қытайдан  Қазақстан арқылы Еуропаға  контейнерлік жүк тасымалдау 2015 жылы екі есе өсті – ИДМ

«Жобаларды жүзеге асыру, оның ішінде «Батыс Еуропа-Батыс Қытай» халықаралық транзиттік дәлізін аяқтау Қазақстан аумағы арқылы Шығыс-Батыс бағытын тиімді құруға, басқа да халықаралық жобалармен түйістіріп, әлеуетті жүк тасымалын жүзеге асыруға мүмкіндік береді және қазақстандық экспорттық тауарлар мен жүктерге тікелей транзиттік жол ашады», - деді ол.

«Нұрлы жол» мемлекеттік бағдарламасы және қытайдың ұсынысы «Жібек жолының экономикалық белдеуі» Еуропа мен Азия арасындағы трансқұрлықтық көпірді дамытуда және қытайдың қауіпсіз, жаңа деңгейдегі тиімді көлік жолдарын құратын аймақтық инфрақұрылымды жетілдіру жөніндегі бастамасын іске асыруда  маңызы ерекше.

«Ақтау теңіз портын солтүстік бағытта кеңейту жобасы аясында Құрық портында қуаты 4 млн. тонна паромдық кешенін салу жобасын іске асыру басталды. Бұның сыртында, Боржақты – Ерсай т/ж құрылысын салу жұмыстары жүргізілуде, сол арқылы салынып жатқан  паром терминалын теміржол магистралімен  қосуға мүмкіндік туады», - деді Д.Потлов.

Анар Тәңірқұлова

 

Барлық жаңалықтар