Қазақстанда «Нұрлы жол» аясында 2020 жылға дейін 11 автожол жобасы іске асырылады

«Нұрлы жол» бағдарламасымен 2,4 трлн теңгенің 11 автожол жобасын іске асыру қарастырылған. 7 мың шақырым автокөлік жолдарын қайта жөндеуге алу жоспарланған»,-деді Д. Потлов.

Автожол жобалары жолдарды қайта жөндеу мен жаңа жолдарды салуға бағытталған. Астанадан «сәулелік» бағыт бойынша орналасқан және барлық бағыттар бойынша – Орталық – Оңтүстік,Орталық – Шығыс, Орталық – Батыс. Жұмыс толығымен 2020 жылға дейін аяқталады.

«Транзиттік жүктерді тарту үшін әзірленген маңызды жоба, «Батыс Қазақстан – Батыс Қытай» халықаралық транзитті дәліз болып табылады және оны 2016 жылы аяқтауды жоспарлап отырмыз. Қазіргі күні жоба бойынша Ресей шекарасынан Оңтүстік Қазақстан шекарасына дейін ашық, осымен қатар Ресей мен Орталық Азияға  жол-көлік жүктерін тасымалдау мүмкіндігіміз бар»,-деді ол.

Айта кетейік, Батыс Қазақстан – Батыс Қытай»  транзитті дәліз Қытайдан Еуропаға дейінгі ең ірі автожолдың бірі болады. Ол жол арқылы жүктерді 10-12 күн ішінде тасымалдай аламыз. Бұл бағыт Суэц каналы арқылы теңіз дәстүрлі бағытына қарағанда 3,5 есе қысқа.

Анар Тәңірқұлова