ҚР көлік саласын дамытуға соңғы 5 жылда 1,5 трлн. теңге бөлінген

17 Наурыз, 2016 15:47

Қазақстанның көлік саласын дамытуға соңғы 5 жылда 1,5 трлн. теңге бөлінген, деп хабарлады ҚР инвестиция және даму министрлігі көлік комитеті төрағасының орынбасары Дмитрий Потлов ОКҚ өткен баспасөз конференциясында.

«Халықаралық көлік дәлізі өзіміздің өнімдеріміз бен басқа да жүктерді тасымалдауға тиімділігін көрсетеді. Бүгінгі таңда ұлы Жібек жолын қайта түлету барысында үлкен жұмыстар атқарылып жатыр. Қазіргі уақытта Қазақстанда 6 халықаралық көлік дәлізі қалыптасқан және қызмет атқарып тұр. Олар: Солтүстік, Оңтүстік, Орталық трансазияттық темір жол магистралі, Солтүстік, Оңтүстік, Трасек дәліздері»,-деді Д.Потлов.

Оның айтуынша, жалпы еліміздің көліктік дәліздерін бәсекеге қабілетті ету үшін көлік саласының инфроқұрылымын дамытуды қамтамасыз етуге маңыз беріліп отыр.

«Соңғы 5 жылда көлік саласын дамытуға 1,5 трлн. теңге бөлінді. Осының нәтижесінде 2015-ші жылы Қазақстан Бүкіләлемдік экономикалық форумда жаһандық бәсекеге қабілеттілер рейтінгінде 30-шы орынға көтерілді»,-деп ақпараттандырды Д.Потлов.

Анара Таныркулова

Барлық жаңалықтар