2013 жылдың бірінші жартысында Қазақстанның сыртқы қарызы 145,4 млрд долларға жетті – ҚР Ұлттақ банкі

«2013 жылдың 30 маусымында Қазақстанның сыртқы қарызы 145,4 млрд долларға жеткен, соның 70,9 млрд доллары фирмааралық берешектер, 11,5 млрд доллар «Банк» секторына теиісілі (екінші деңгейлі банктер мен «Қазақстан Даму Банкісі»), ал мемлекеттер секторлардың (ҚР Үкіметі мен ҚР Ұлттық Банкі) сыртқы қарызы 5,3 млрд долларға жетеді. Қалған сома «Өзге секторлардың» үлесіне тиесілі», - делінген хабарламада.

Сонымен қатар, 2013 жылдың екінші маусымында сыртқы қарыз 5,8 млрд долларға өскен. Оған себеп «Өзге секторлардың қарызының артуы. Ал осы уақытта фирмааралық қарыздар мен мемлекеттік секторлардың сыртқы берешектері «Банктердің» сыртқы қарыздарының азаюымен жойылған.

Естеріңізге сала кетейік, жарияланған «2013 жылдың бірінші жартыжылдығындағы ҚР төлем балансы мен сыртқы қарызы» Қазақстанның сыртқы секторының дамуын көрсетіп, төлем баланстарының, халықаралық инвестициялық позиция мен жалпы сыртқы берешек статистикасын ұсынады.