Қаратауда ауысымына 250 қабылдау қуаты бар жаңа типтік аудандық емхана салынып жатыр
17 Наурыз, 2016 15:19
Қаратауда ауысымына 250 қабылдау қуаты бар жаңа типтік аудандық емхана салынып жатыр. Бұл туралы Өңірлік коммуникациялар қызметінде өткен брифингте Жамбыл облысы, Талас ауданының әкімі Рысмендиев Болат Қанатбайұлы хабарлады.
«Қаратау қаласында жалпы құны 1125,9 млн.теңгені құрайтын ауысымына 250 қабылдау қуаты бар жаңа типтік аудандық емхана құрылысы соғылуда (мердігер ТОО «Корпорация Жилстрой Тараз»). 2014 жылы облыстық бюджеттен 5180,0 мың теңге бөлініп, толық игерілді. 2015 жылы республикалық бюджеттен 338,9 млн.теңге және облыстық бюджеттен 41,8 млн.теңге, барлығы 380,7 млн.теңге бөлінген қаражатқа іргетасы қаланып, үшінші қабаты көтерілді. Нысан 2016 жылы пайдалануға беріледі»,- деді Болат Қанатбайұлы.
