Алматыда Жаһандық кәсіпкерлік апталығы басталды
18 Қараша, 2013 11:53
Алматыда Жаһандық кәсіпкерлік апталығы басталды. Осымен үшінші рет өткізіліп отырған шара жас кәсіпкерлер үшін пікір алмасу, тәжірбие бөлісу алаңы болып табылады, деп хабарлайды BNews.kz .
«Ұйымдастырушылардың сөзіне қарағанда, бір апта бойы өтетін шара барысында түрлі форумдар жоспарланған, кәсіпкерлік саласының бас сарапшылары баяндама жасамақ», - деп хабарламада нақтыланған.
Жаһандық кәсіпкерлік апталығының ашылуына мыңнан астам адам қатысады деп жоспарланып отыр. Жас кәсіпкерлер клубының жетекшісі Зинаида Пак биылғы жылы еліміздің әр түкпірінде елуге жуық шара өтетінін және оның ең маңыздылары Алматы қаласында ұйымдастырылатынын айтты.
Сонымен қатар, ол жас кәсіпкерлер апталық аясында өз бизнесін қалай бастау керек, оның қалай жүргізсе болады, бизнесті реттеу саласының заңнамалары және кәсібін енді бастаған кәсіпкерлерге қандай көмек көрсетілетіні туралы мағлұмат ала алады.
