Қазақстанда Мәдениеттерді жақындастыру орталығы құрылды
Мәдениеттер жақындасуының тұжырымдамалық негізін маңызды халықаралық бастамаларды жүзеге асырусыз мүмкін емес екендігі белгілі. Осы орайда ҚР Мәдениет және спорт министрлігі тарапынан халықаралық Мәдениеттерді жақындастыру орталығын құру бойынша уақытылы шешім қабылданып, көлемді жұмыс атқарылды.
«Мәдениеттерді жақындастыру орталығы» мемлекеттік музейінің негізгі міндеттері ЮНЕСКО Мәдениеттер жақындасуының онжылдығын өткізудің Іс-қимыл жоспарымен үндес болып келеді. Жаңа мекеменің жарғысына сәйкес, музей құндылықтары мен тарихи-мәдени мұраны анықтау, жинақтау, толықтыру, сақтау, зерделеу және насихаттау, сондай-ақ ұлттық мұраны, оның ішінде Қазақстан Республикасының мәдени мұра объектілерін сақтау және пайдалану саласында жаңа білімді алу мен қолдануға бағытталған ғылыми-ағартушылық қызметті және қолданбалы, жобалық, ізденістік және ғылыми зерттеулерді жүргізу болып табылады”, - деді Ғ.Ахмедияров.
Орталық жұмысы ЮНЕСКО жинаған тәжірибе, гуманитарлық аспектілер және мәдениет дамуының тұрақты қағидалары негізінде Орталық Азия мемлекеттерінде мәдени көптүрлілік пен дін аралық сұхбатты ілгерілету мен сақтауға бағытталады.
Қазіргі уақытта Қазақстанда ЮНЕСКО-ға «Мәдениеттерді жақындастыру орталығы» қызметінің аталмыш халықаралық ұйым қамқорлығымен жүзеге асырылуы бойынша өтініш беру мәселесі қарастырылып жатыр.
