ИИДМБ: Қазақстан кілемдері әлемнің ірі сауда жүйесінде сатыла бастайды

18 Наурыз, 2016 09:13

Қазақстандағы кілім және кілім өнімдерін шығаратын «Бал Текстил» ЖШС-і биыл әлемдегі ірі сауда желілерінің бірі IKEA компаниясымен ынтымақтастықты бастады. Арнайы IKEA үшін Ресей кілемнің қалыңдығы мен ұзындығы тұрғысынан ерекше жеке дизайн жасап шықты, деп хабарлады «KAZNEX INVEST» АҚ баспасөз қызметі.

««Бал Текстил» компаниясы жылына 5 000 000 шаршы метр кілем және кілем өнімдерін шығарады. Бүгінгі таңда жалпы өнімнің 30 пайызы Ресей, Украина, Қырғызстан, Армения, Беларуссия сияқты елдерге сатылады. Біз 2016 жылдың соңына дейін экспорт көлемін Ресей ИКЕА сауда желісі арқылы 50-60%-ғ дейін жеткіземіз деген жоспарымыз бар. Олармен осы жылдың басында келісім-шарт жасасқанбыз»,-дейді «Бал Текстил» ЖШС-і комерциялық директоры Қуан Ысқақов.

«Жылдың басында KAZNEX INVEST жобасының аясында Оңтүстік Қазақстан облысына жасаған сапарымызда «Бал Текстил» ЖШС-не барған болатынбыз. Бүгінгі таңда бұл кәсіпорында ішкі және сыртқы нарыққа тауар өткізу мәселесінде бірқатар қиындықтар туындап отыр. Бұл түрік компанияларының жаппай Қазақстан нарығын жаулап алуы. KAZNEX INVEST бұл мәселені шешумен айналысып жатыр»,-деді «KAZNEX INVEST» АҚ өкілі Айгерім Жүсіпова.

Еске сала кетейік, кәсіпорын Қазақстанның индустриалды картасы аясында бәсекеге қабілетті отандық тоқыма өнеркәсібін дамыту мақсатында «Оңтүстік» арнайы экономикалық аймағында құрылған болатын. Бүгінгі таңда фабрикада 250 адам жұмыс істейді. Қазақстан бойынша 400 дистрибьюторлық сауда нүктелері бар.

Барлық жаңалықтар