Талас ауданында инвестициялық жоба аясында 3 жоба жүзеге асыру жоспарлануда

«Ауданда сүт және ет өнімін өңдейтін кіші кәсіпорындарды салуды жоспарлап отырмыз. Қазіргі уақытта     тәулігіне 2 тонна сүт өндіретін (май, сыр, ірімшік) цехтарды ашу мақсатында нақты жобалар жүзеге асырылуда. Бұл жобаны жүзеге асырушы жеке кәсіпкер Ж.Қалхаманов. Жобаның құны 20,0 млн.тенге, 3 адам жұмыспен қамтылады. Кәсіпорынды шикізатпен қамтамасыз ету үшін 2 жерге сүт сақтайтын мұздатқыш орнату көзделіп отыр. Сүтті тұрақты алып тұру мақсатында шаруашылық иелерімен келісімге отырған.

 «Атамекен Мрамор Көктал» ЖШС-і (Крикбаева Ш.) мәрмәр тасына плиталық тастар, баспалдақтар, кірпішке арналған табиғи тастар шығарумен айналысады. Жобаның құны 15,0 млн.теңге. Жылына 20,7 мың тонна ұнтақталған тасты өңдеп, 103,6 млн теңгенің затын өндіріп шығаратын болады. Қосымша 6 жұмыс орын ашылады. «Азмина Мрамор» ЖШС-і (Джетпісбаев Р.) мәрмәр тасына плиталық тастар, баспалдақтар, кірпішке арналған табиғи тастар шығарумен айналысады.

Жобаның құны 20,0 млн.теңге. Жылына 32,0 мың тонна ұнтақталған тасты өңдеп, 150,0 млн теңгенің затын өндіріп шығаратын болады. Қосымша 8 жұмыс орын ашылады. Қазіргі таңда құрал-жабдықтардың қаражаты төленіп, тасымалдануда»,-деді аудан басшысы.