Қазақстанның, Түркия мен Әзірбайжанның мемлекеттік орган өкілдері кедендік әкімшілендіруді жеңілдету мәселелерін талқылады
Аталмыш кездесуде Қазақстан тарапынан Мемлекеттік кіріс комитеті, Маңғыстау облысының әкімдігі, Ақтау теңіз портының басшылығы, Ахуалдық көлік орталығы комитеті, ҚазАТО, көлік қызметкерлдері одағы және тағы басқалар қатысты.
Түрік тарапынан Көлік және сауда министрлігі, теңізде жүру және коммуникация министрлігі, Халықаралық тасымал ассоциациясы, Түркия сауда өнеркәсіп палатасы және биржа одағы, Ақтау қаласындағы Түркия республикасының бас консулдығының өкілдері болды.
Әзірбайжан республикасынан Мемлекеттік кедендік комитеті, Баку теңіз сауда портының басшылығы, Ақтау қаласындағы Әзірбайжан республикасының бас консулдығының өкілдері қатысты.
Кездесу барысында Мемлекеттік кіріс комитеті бастығының орынбасары Ғосман Амрин Ақтау портындағы «Бір терезе» қағидаты бойынша мемлекеттік бақылау технологияларымен басқосуға қатысушыларды таныстырды.
Облыс әкімдігі түрік тарапының инвестициялық жобаларды сәтті жүзеге асыруы үшін кеңейтілген аумақ белгіленетіі жөнінде ақпараттандырды.
Кездесуге қатысушылар жүкті тиеу және түсіру мен шекаралық-кедендік рәсімдеу жұмыстарымен танысты.
