Н.Назарбаев «Серпін-2050» бағдарламасы бойынша оқитын студенттермен әңгімелесті

Елбасы ғимаратты аралап көріп, онда тұрып жатқан, «Серпiн-2050» бағдарламасы бойынша оқиын студенттермен әңгімелесті.

Қазақстан Президенті жатақханада күнделікті тұрмыс пен демалыс үшін барлық жағдай жасалғанын айтты. Соған орай Нұрсұлтан Назарбаев республикада жастарды қолдау мен олардың білім алуы мәселелеріне ұдайы көңіл бөлінетінін, соның ішінде бұл жұмыс «Серпiн-2050» мемлекеттік бағдарламасы аясында да атқарылып жатқанын атап көрсетті.

500 адамға арналған пәтер үлгісіндегі жатақхана 2015 жылы ашылған. Онда «Серпін» бағдарламасы бойынша оқитын 300 студент тұрады. Ғимаратта демалуға арналған бөлмелер, медицина кабинеті, жаттығу залы, жеке заттарды сақтайтын қойма,  техникалық орынжайлар және мүмкіндігі шектеулі студенттер үшін арнайы жабдықталған бөлмелер бар.