2013 жылы Ақтөбе облысында «ЖҚЖК-2020» бағдарламасы бойынша 5 мыңға жуық әлеуметтік келісім шарт орнатылды

18 Қараша, 2013 10:33

Ақтөбе облысында 2013 жылы «ЖҚЖК-2020» бағдарламасы бойынша 5 мыңға жуық әлеуметтік келісім шарт орнатылды, деп облыс әкімдігінің баспасөз қызметі хабарлады.

«2013 жылы Ақтөбе облысы бойынша «Жұмыспен қамтудың жол картасы – 2020» бағдарламасын жүзеге асыруға 4236,7 млн.теңге қарастырылған. Бағдарламаға қатысу мәселесі бойынша 5209 адам өтініш білдірді. Соның ішінде қатысуға өтініш білдірген 5084 адаммен әлеуметтік келісім-шарт жасалынды», - делінген хабарламада.

Соның ішінде республикалық бюджеттен – 3963,5 млн.теңге, жергілікті бюджеттен– 273,2 млн.теңге бөлінді.

Жұмыспен қамту 2020 жол картасының 1-бағытын жүзеге асыру аясында: коммуналды-инженерлі, инженерлі-көліктік және әлеуметтік инфрақұрылымдық нысандарды, ауылдық елді мекендерді аббаттандыруға 2017,6 млн.теңге қарастырылған, соның ішінде РБ – 1904,7 млн.теңге ЖБ– 112,9 млн.теңге, қосымша бөлінген сома есебінен 1082,2 млн. теңгеге жоспарланған.

Сондай-ақ, ағымдағы жылдың 1 қазанына 28 жоба бойынша жөндеу жұмыстары аяқталды (20 білім беру нысандары, 4 денсаулық сақтау нысандары, мәдениет және спорт бойынша 2 нысан).

«Бизнес Навигатор» ЖШС оқу орталығымен кәсіпкерлік негіздеріне – 158 адам оқытылды.

Сонымен қатар, кәсіпкерлік негіздеріне оқыту бойынша қосымша 5,5 млн.теңге көлемінде бөлінген сомаға (148 адамға) мемлекеттік сатып алуды өткізу бойынша конкурс жарияланды.

Жастар іс-тәжірибесіне 1403 жұмыссыз-түлектер жіберілді, жылдық жоспар бойынша 1210 адам (жылдық жоспардың 116%), 130,7 млн.теңге игерілді.