Алматыда өтетін қысқы Универсиадаға Ұлыбританиядан 90 спортшы қатысады

16 Наурыз, 2016 18:52

Алматыда өтетін 28-ші Бүкіләлемдік қысқы Универсиадасына Ұлыбритания делегациясынан 90 спортшы қатысады, деп «Алматы қаласының халықаралық спорттық жобалар дирекциясы» МҚ баспасөз қызметі хабарлайды. Осы елдің Университеттері одағының спортшылар мен колледждері халықаралық жарысқа дайындық үстінде.

«FISU қысқы Универсиадасы – жоғары деңгейлі шара. Біз келешекте Алматыда өтетін қысқы универсиададан бөлек, басқа да шаралар өткіземіз деген үміттеміз»,- деп Британдық университеттер мен колледждер одағының өкілі Нил Роджерс айтты.

Алматыда өтетін халықаралық жарысқа Ұлыбритания делегациясынан 90 спортшы қатысады деп жоспарлануда.

«Қазір біз Универсиадаға қатысатын спортшыларды анықтау кезеңіндеміз. Сондай-ақ, біз Ұлыбританияның спорт федеорациясымен жұмыс істеудеміз және олар бізге жаттығулар өткізуге, Алматыда өтетін жарысқа дайындық жасауға көмектеседі. Шайбылы хоккейден еркектер құрамасы өздерінің алғашқы дайындық жаттығуларын 29 қаңтарда өткізді»,-деді ол.

Естерінізге сала кетейік, 28-ші Бүкіләлемдік қысқы Универсиада Алматыда 2017 жылы 29 қаңтар мен 8 ақпана аралығында өткізіледі. Жарыс 8 спорт нысанында 12 спорт түрі бойынша өтеді.

Анара Тәңірқұлова

Барлық жаңалықтар