ҚР-да 2013 жылдың қазанында орташа айлық жалақы 105 948 теңгені құрады

«Атаулы жалақы индексі 2012 жылғы қазанға 107,2%, ал нақты жалақы индексі 102,2% құрады. Еңбекақыдағы айырмашылықтар қызметтің түрлі салаларындағы қызметкерлерге тән. Еңбекақының ең жоғары шамасы кәсіби, ғылыми және техникалық қызметте – 215 249 теңге, ең төменгі шамасы – ауыл, орман және балық шаруашылығыда – 67 464 теңге белгіленді. 2013 жылдың қазаны  бойынша айлық жалақы көрсеткіші  105 948 теңгені құрады», - деп хабарламада нақтыланған.

Ірі және орта кәсіпорындардағы бір қызметкердің орташа айлық атаулы жалақысы 2013 жылғы қазанда 110581 теңгені құрады және өткен жылғы тиісті айға қарағанда 7,7%-ға, нақты көріністе – 2,7%-ға өсті.

Сондай-ақ, 2013 жылғы қазанда ірі және орта кәсіпорындар мен ұйымдарға жұмысқа 82,3 мың адам қабылданған.

Әр түрлі себептер бойынша 78,4 мың адам шыққан, одан босатылуға (персонал санының қысқартылуына немесе кәсіпорынның таратылуына) байланысты – 2,4 мың адам, қызметкерлердің тұрақтамау себептері бойынша – 67,0 мың адам.

Қазанның соңында ірі және орта кәсіпорындарда бос жұмыс орындар саны 29,3 мың бірлікті құрады.