Алматы облысында Әуе шабуылына қарсы қорғаныс күштері әскерлері сержанттарының жиыны басталды

Сондай-ақ, сержанттарды командирлік дайындаудың бірыңғай жүйесі енгізіледі. «Командирлік дайындық жауынгерлік әзірліктің ең негізгі элементтерінің бірі болып табылады.

Ол командалық звеноның әскери қызметшілеріне қару-жарақ пен әскери техниканың жаңа түрлерін оқып-үйрену үшін қажет білім мен практикалық тәжірибені толық меңгеруге, дайындықтың әдістерін игеру мен оқытуды өткізуге  мүмкіндік береді. Әрбір сержант әскери қызметтің  нағыз кәсіби маманы болуы тиісті», – дейді штаб-сержант Руслан Жұбанышов.

Командирлік дайындықтың соңында әскери қызметшілердің әзірлік деңгейі бағаланып, үлгерімі бойынша рейтингі шығарылады және ең үздік әскери қызметшілер анықталатын болады. Сондай-ақ, әскери-спорттық кешенді нормативтерді және мемлекеттік-құқықтық дайындық, физикалық, тактикалық, саптық және атыс дайындығы бойынша сынақ тапсыру іс жүзінде тәжірибеден өткізіледі.

Сержанттар нормативтік-құқықтық актілерді міндетті түрде білуге арналған тексерістен  және психологиялық тестен өтеді. Осындай жиындар батальон (дивизия) сержанттарының жауынгерлік дағдысын нығайтып, олардың кәсіби дайындығының деңгейін арттырады