Алматыда өтетін қысқы Универсиадаға 54 мемлекет тіркелген

Оның берген ақпараты бойынша, Алматыда өтенің қысқы Универсиада жарысына 54 мемлекет тіркелген. Мемлекеттердің тіркелуі – ағымдағы жылдың 29 наурыз айына дейін жалғасады. 2007 жылы Туринде өткен қысқы олимпиада жарыстарына 48 мемлекет қатысқан, 2009 жылы Харбинде 44 мемлекет, 2011 жылы Эрзурумда өткен жарыста 52 мемлекет, 2013 жылы Трентинода 50 мемлекет, ал Гранадада 41 мемлекет қатысқан.

«Халықаралық студенттік ойындар арасында 2011 жылы Эрзурумда 52 мемлекет қатысқан. Бұл қатысқан елдердің ең көп саны болды. Біз Алматыда өтетін қысқы Универсиадаға 55 елдің 2 мыңнан астам спортшылары қатысады деп күтудеміз. Қазіргі күні 54 мемлекет онлайн-тіркеуден өтті»,-деді А.Әбдуалиев.

Дирекция жетекшісі Универсиада-2017 нысандарының құрылысы 60 пайызға дайын екендігін айтты. Алғаш рет Универсиада өткізу қарсаңында Атлетикалық қалашық салынады.

«7-ші қысқы Азия ойындарының тәжірибесіне сүйене отырып, Универсиада-2017 қатысушыларына визалық режиім қысқартылатын болады. Қалада жүру үшін 500 бірлік көлік жұмылдырылады, негізгі және альтернативті бағыттар әзірленген»,-деді ол.

Айта кетейік, Алматыда өтетін Универсиада-2017 Қазақстан тарихында орын алатын ірі спорт шарасы болады. Алматы ТМД елдері арасында бірінші қала болады және онда  халықаралық студенттік қысқы ойындар өтеді. Ағымдағы жылы қысқы Универсиада нысандарын апробациялау үшін 7 тестілік шара өткізу жоспарланған. Олардың ішінде Республикалық Универсиада мен трамплиннен шаңғымен секіру бойынша әлем кубогының қысқы кезеңі өтті.

Анар Тәңірқұлова