РХБҚ әскерлері зақымдалған жерді барлау бойынша тапсырмаларды пысықтады (ФОТО)

16 Наурыз, 2016 12:19

«Шығыс» өңірлік қолбасшылығына қарасты 35804 әскери бөлімінде ҚР ҚК ҚӘ БҚБ радиациялық, химиялық және биологиялық қорғау әскерлері бастығының басшылық етуімен командалық-штабтық оқу-жаттығулар аяқталды, деп хабарлады Қорғаныс министрлігінің баспасөз қызметі.

Нағыз оқу-жаттығуда командирлер шынайы әскери операцияларда жауынгерлік іс-қимылдарды ұйымдастыру кезінде өздерінің өзіндік жұмысын көрсетеді.

«Командалық-штабтық оқу-жаттығу бағынысты жеке құрам мен техниканы басқару бойынша тактикалық іс-қимылдарды ұйымдастыру, радиациялық, химиялық және биологиялық қорғау жөніндегі тапсырмаларды орындау кезінде дұрыс шешім қабылдау мәселелерінде командир мен рота командирлерінің білімін анағұрлым арттырады. Өйткені, радиациялық, химиялық және биологиялық жағдайды болжау жөніндегі есептоптарды заманауи тұрғыда және дұрыс ұсыну тапсырмаларды орындау кезінде әскерлердің іс-қимылдарын қамтамасыз етуде маңызды рөлге ие», - деп оқу-жаттығу жетекшісі Тәттібек Самаев атап өтті.

Оқу-жаттығуды өткізу кезеңінде жауынгерлік даярлық барысы, дабыл бойынша іс-қимылдардың ұйымдастырылуы, қару-жарақ пен әскери техниканың жай-күйі, тәртіп пен моральдық-психологиялық жай-күй тексерілді.

Радиациялық, химиялық және биологиялық қорғау мен дағдарыс ахуалдарда тапсырмаларды орындау кезінде бөлімшелердің іс-қимылдары пысықталды. Бұл оқу-жаттығу 35804 әскери бөлімінің базасында алғаш рет өткізіліп отыр. Командирлер зақымдалған жерді барлау және әскери техниканы арнайы өңдеу сияқты РХБҚ бойынша өздерінің негізгі миссиясын орындай отырып, картадағы тапсырмаларды пысықтады.

Барлық жаңалықтар